Энэхүү галт уул нь Индонезийн Флорес арлын ойролцоо оршдог бөгөөд энэхүү арлын хамгийн сонирхолтой газруудын нэг юм байна. Галт уулын онцлог нь галт уулын тогоонд байнга өнгөө хувиргадаг гурван нуур байрладаг гэнэ. Энэхүү өнгөө хувиргадаг шалтгааныг нутгийн иргэд нэг өөрөөр, шинжээчид бас өөрөөр тайлбарладаг бөгөөд аль нь үнэн болохыг тогтооход хэцүү. Ингээд энэхүү сонирхолтой галт уулын талаар хүлээн авцгаая.
Келимуту галт уул нь далайн түвшнээс дээш 1639 метрийн өндөрт оршдог. Хамгийн сүүлд бараг 40 жилийн өмнө идэвхитэй байсан байна. Нутгийн иргэдийн домгоор бол нас барж буй хүн галт уулруу гарч эдгээр нууруудын нэгрүү ордог гэнэ. Нуурын ус хэр бараан байна төдий чинээ энэхүү нуурт олон хүн нас барсан хэмээн үздэг аж. Энэхүү гурван нуур гурвуулаа тус бүрдээ нэртэй бөгөөд хөгшчүүлийн нуур, охид болон хөвгүүдийн нуур, шидэт нуур хэмээн нэрлэдэг байна. Үнэн хэрэгтээ нуурын ус эрдэс баялаг ихтэй учир ийнхүү өнгөө өөрчилдөг гэнэ.
Мэдээ нэмсэн: hero
No comments:
Post a Comment