Цахимаар газартай болсон 3780 иргэний нэр тодорлоо
17 минутын өмнө
Цахимаар газар өмчлөх эрхтэй болсон ч сонгосон газар нь сэтгэлд нь нийцээгүй зэрэг шалтгаанаар өргөдлөө хугацаандаа өгөөгүй 3780 иргэний оронд дахин шалгаруулалт явуулжээ.Өнгөрөгч наймдугаар сард Хан-Уул дүүргийн 12, 13 дугаар хороонд байрлах Эрдэнэтолгой, Сонгинохайрхан дүүргийн 21 дүгээр хорооны Соёондын ам, Баянзүрх дүүргийн 20 дугаар хороо Хожуулын ам, Багануур дүүргийн 4 дүгээр хороо Тариан булагийн 1-р хэсэг, Баганхангай дүүргийн 2 дугаар хороо Бор-Үзүүр зэрэг таван байршилд газар өмчлүүлсэн. Нийт 1524 га газарт 14954 нийслэлд бүртгэлтэй иргэнийг цахимаар сонгосон. Гэтэл газар өмчлөх эрхтэй болсон 3780 иргэн харъяа дүүргийн өмч газрын харилцааны албанд албан ёсоор өргөдөлөө өгөөгүй.
Өнөөдөр Тагнуулын Ерөнхий газар, нийслэлийн Мэдээлэл технологийн газар, Өмчийн харилцааны газар хамтран нэрсийг дахин тодруулжээ. Та бүхэн газар өмчлөх эрхтэй болсон иргэдийн мэдээллийг http://www.umch.ub.gov.mn сайтаас орж нэрсээ шалгаарай. Эх сурвалж www.wikimon.mn
0 comments:
Post a Comment