Friday, November 28, 2014

Эштон Катчер өшөө авна

Эштон Катчер өшөө авна

45 минутын өмнө

Жүжигчин эр өөрийнх нь хувийн амьдралд байнга хутгалдах сэтгүүлчдээс залхаж гүйцжээ. Иймд тэрбээр өөрийн сайтаар дамжуулж сэтгүүлчдэд хандан мэдэгдэл хийсэн байна. Тэрбээр хэвлэл мэдээллийн ажилтнуудад ёсзүйтэй байхыг уриалав.

"Олон нийтийн анхааралд өртдөг хүний хувьд би хэн нэгэн өөрийнх нь тухай эвгүй зүйл ярьж, бичвэл дургүй байдаг гэдгийг мэднэ. Та нарт ийм зүйл бага тохиолддог байх. Тэгвэл би өдөр болгон үүнийг өөр дээрээ мэдэрч байна. Та нар миний оронд өөрийгөө тавиад үзээч дээ. Хэн ч гэсэн өөрийнхөө хувийн амьдралыг дэлгүүлээд байхыг хүсэхгүй биз дээ? Хэн ч гэсэн хувийн амьдралыг нь онгичоод байхад дургүй нь хүрнэ. Би одоо залхаж гүйцлээ. Биеэ барьж дийлэхгүй л болов уу. Дандаа таагүй зүйл ярьж, бичицгээх юм. Тэгвэл энэ нийгэм яаж өөдрөг, ариун болох билээ дээ" гэж Эштон бичжээ. Эх сурвалж www.wikimon.mn

101 насандаа багшлав

101 насандаа багшлав

52 минутын өмнө

Их Британийн оршин суугч Энни Мөрфи 40 жил завсарласны эцэст багшлах үйл ажиллагаандаа эргээд оржээ. Хэд хоногийн өмнө энэ 101 настай эмэгтэй ажилгүй 30 хүний өмнө лекц уншсан байна. Тэрбээр тэдэнд өөрийн туулж өнгөрүүлсэн амьдралын тухай, хөдөлмөр хийх сэдлийн тухай ярьж өгчээ.

Мөрфи түүнчлэн ажилгүй залууст ХХ зууны эхээр Их Британид дэгдэж байсан уурхайчдын ажил хаялтын талаар, эрх чөлөө болон эмэгтэйчүүдийн тэгш эрхийн төлөө тэмцсэн Нельсон Манделагийн тэмцлийн тухай ярьж өгсөн гэнэ. Танхимд цугларсан хүмүүс тэтгэврийн хөгшний лекцийг сонсоод босоогоороо алга ташсан байна.

Тэтгэвэрт гараад Мөрфи эмгэн ганцаар амьдардаг байжээ. Харин энэ оны есдүгээр сард асрамжийн газар амьдрах болсон аж. Энд л тэрбээр өөрийн лекцийг уншив. Энни Мөрфи 1913 онд мэндэлжээ. Таван настайдаа дунд сургуульд орсон бөгөөд 1932 онд Норвичийн Багшийн коллежид багшилж эхэлсэн гэнэ. Улмаар 1973 онд тэтгэвэртээ гарчээ. Мөрфи эмгэний цорын ганц хүү Жон АНУ-ын Миннесота мужид амьдардаг байна. Эх сурвалж www.wikimon.mn

Биеэ үнэлэгчдийг зуучилсан залуусыг баривчилжээ

Биеэ үнэлэгчдийг зуучилсан залуусыг баривчилжээ

47 минутын өмнө

Ашиг олох зорилгоор Саппоро хавьд биеэ үнэлдэг насанд хүрээгүйчүүдийг зохион байгуулалттайгаар тээвэрлэн Өмнөговь аймгийн Цагаан хаданд аваачиж, тэнд зочид буудалд биеийг нь үнэлүүлж байсан бүлэглэлийг цагдаагийнхан илрүүлж баривчилжээ. Энэ хэргийн хохирогч болоод байгаа А нь15 настай, Л нь 16 настай, охидын толгойлогч С нь 17, Э нь 17 настай байжээ.

Харин бүлэглэлийн толгойлогч нь Б.Баатарсүрэн гэж залуу байжээ. Тэрбээр Д.Ганболд гэгчтэй урьдчилан тохиролцож дээрхи охидыг Улаанбаатараас Өмнөговь аймгийн Ханбогд сумын нутаг Цагаан хад хэмээх газарт "Истана" маркийн машинаар тээвэрлэж, давтан үйлдлээр бусдад биеийг нь үнэлүүлж, бусдад худалдаалсан хэрэгт шалгуулж эхэлжээ.

Охид өөрсдийн саналаар Цагаан хад руу явсанаа нэгэн дуугаар мэдүүлжээ. "Хэн ч биднийг дарамтлаагүй, шахаагүй. Бид өөрсдөө л шийдээд явсан. Бид энхийн цагаан тагтаа биш. Биеэ үнэлдэг маань ч үнэн" хэмээн томорсон аж. Эх сурвалж www.wikimon.mn

Мисс Ч.Содтуяа охиноо аавтай болгоно

Мисс Ч.Содтуяа охиноо аавтай болгоно

1 цаг 44 минутын өмнө

Мисс, загвар өмсөгч Ч.Содтуяаг загвар өмсөгч А.Чингүүний экс эхнэр гэдгийг хүн бүр мэднэ. Хайр дурлалаар учирсан хосууд хөөрхөн охинтой болоод удалгүй хоёр тийш болж, А.Чингүүн нь "Их засаг" их сургуулийн захирал Н.Ням-Осорын ганц охиныг насныхаа ханиар сонгож, нижгэр хурим найр хийгээд чимээгүй болсон билээ.

Харин охинтойгоо үлдсэн Ч.Содтуяагийн хувьд нэг хэсэгтээ л нөхөртэй болохгүй гэж ярьж байсан ч хоёр дахь амьдралаа эхлүүлж, охиноо хойд эцгийн нүүр харуулахаар шийджээ. Содоогийн хайрыг булаасан залуу алс холын Ховд нутгийн хүн бөгөөд охинд нь сайн эцэг байхаа амлаж, хайр дурлалдаа шатаж яваа хосууд жаргалтай байгаа гэнэ шүү. Эх сурвалж www.wikimon.mn

Татварыг Б.Ариунсанаар тоглуулахаар шийдсэн үү?

Татварыг Б.Ариунсанаар тоглуулахаар шийдсэн үү?

1 цаг 21 минутын өмнө

Тагнуулаас Татварын ерөнхий газрын даргаар томилогдсон Б.Ариунсаныг том албан тушаалд тухлах азтай, хувьтай хүн юм гэхэд нэг их буруудахгүй болов уу. Түүний хувьд Ерөнхий сайд асан Н.Алтанхуягийн нөмөр нөөлөг дор явж, том албан газар толгойлж ирсэн нэгэн. Гэхдээ мэргэжлийн түвшинд үү гэхээр үгүй юм.

Тухайлбал, Тагнуулын ерөнхий газрын даргаар томилогдсон нь хууль бус байсан төдийгүй албан тушаалаас нь буулгасан ч Засгийн газар эргүүлээд томилдог байсан. Хууль, хүчний байгууллагын даргаар мэргэжлийн бус хүнийг томилсонд сөрөг хүчин ихэд эгдүүцэж, Тагнуулын байгууллага ажлаа хийж чадахгүй байна гэж чичлүүлж, хэрүүлийн бай болгосон Б.Ариунсанаар Үндэсний татварын ерөнхий газрыг тоглуулахаар засаг шийдсэн бололтой.

Ямар сайндаа түүнийг эсэргүүцэгчид "Монголчууд цөөхүүлээ байж Ариунсангаас өөр татварыг даргалчих хүн олдохгүй. Үнэхээр боловсон хүчний дутагдалд оржээ гэж ойлголоо шүү" гэж өөр хоорондоо ярьж сууна. Эх сурвалж www.wikimon.mn

Канье Уэст дуулахаа болино

Канье Уэст дуулахаа болино

1 цаг 32 минутын өмнө

Америкийн рэппер дуучин, нэрт бизнесмэн Канье Уэст дуу хөгжмөө орхихоор шийджээ. Хөгжмийн ертөнцийг тэрбээр загварын ертөнцөөр солихоор болсон аж. Энэ оны нэгдүгээр сард Канье Nike брэндтэй хамтарч нэгэн бичил цуглуулга гаргаснаар шуугиан тарьсан билээ. Уэстын бүтээсэн пүүзнүүд eBay худалдааны хамгийн борлуулалттай бараагаар тодорсон юм.


Хэдийгээр амжилт олсон ч урамшууллын мөнгө нь түүнд бага санагджээ. Тиймээс мань хүн Nike-ийн мөнхийн өрсөлдөгч Adidas компанитай хамтарч ажилласан байна. Тэд ч нарийндаа хатаагүй бөгөөд Каньегийн сэтгэлд нийцсэн мөнгөн дүнг санал болгов. Тун удахгүй Канье шинэ шугам гаргах ажлаа дуусгавар болгоно. Дуу хөгжим түүнд садаа болж байсан тул тэрбээр дуулахаа болихоор шийдэв.

"Хэдэн жилийн өмнө бол би эргэж буцалгүйгээр Nike компанитай хамтарч ажиллахаа үргэлжлүүлэх байсан болов уу. Би энэ брэндэд үнэхээр дуртай. Гэтэл надад гэр бүл, хүүхэд, үүрэг хариуцлага, мөнгөн сонирхол байгаа учраас би Adidas-ыг сонгосон. Би жинхэнэ хип-хоп загвар зохион бүтээгч болохыг зорьж байна" хэмээн Канье өгүүлэв. Тэрбээр хөгжмийн ертөнцийг бүрмөсөн орхиж байгаа юу, үгүй юу гэдэг нь тодорхойгүй хэвээр үлджээ. Эх сурвалж www.wikimon.mn

NBA өөрчлөлтөд бэлэн үү?

NBA өөрчлөлтөд бэлэн үү?

25 минутын өмнө

"Даллас Мэверикс" багийн эзэн Марк Кьюбан Зүүн болон Баруун конференцийн багуудад дахин хуваарилалт хийх санаачлагыг гаргажээ. Түүний бодлоор бол "Даллас", "Сан-Антонио", "Хьюстон", "Шинэ Орлеан" багууд Зүүн бүсэд багтаж, эргээд "Чикаго", "Индиана", "Детройт", "Милуоки" багууд Баруун конференци рүү орох ёстой аж.

Энэ талаар Кьюбан "Энэ нь болохгүй зүйл биш. Иймэрхүү өөрчлөлтүүд өмнө нь олон удаа гарч байсан. Ингэсэн тохиолдолд багуудын хүч тэнцэж, лигийн тоглолтууд улам сонирхолтой болно. Өрсөлдөөн ширүүсэж, хөгжөөн дэмжигчид ч баясах болно" гэж ярьжээ. Түүний баг өнгөрсөн улирлыг 49-33 гэсэн үзүүлэлттэйгээр өндөрлүүлсэн билээ. Тэд Баруун бүсэд наймдугаар байрт орсон юм. Хэрэв техасчууд Зүүн бүсэд тоглож байсан бол гуравт жагсах байсан гэнэ.
Эх сурвалж www.wikimon.mn