Хэт сэрэлтэй залуу аврагджээ
44 минутын өмнө
23 настай нэг залуу приапизмын хохирогч болжээ. Приапизм гэдэг нь бэлгийн дур сэрэлтэй огт холбоогүй удаан үргэлжилдэг, ихээхэн өвдөлт бүхий сэрэл билээ. Түүний хувьд энэ үйл явц бүхэл бүтэн 17 цаг үргэлжилсэн тул эмч нар өвчтөний биеэс 1.5 литр цус юүлж аваад зогсохгүй бэлэг эрхтэнд нь 24 удаа тариа хийсэн аж. Английн иргэн Жэйсон Гарнетт энэ удаа приапизмын хохирогч болжээ. Тэрбээр үүнийг өдөөхөд хүргэх ямар нэгэн эм бэлдмэл уугаагүй гэж ярив. Урьд орой нь энэ залуу согтууруулах ундааг хэтрүүлэн хэрэглэсэн бөгөөд найзуудынхаа гэрт тасарч унажээ. Маргааш нь үүрээр дур сэрэл нь асар ихээр хөдлөсөн байдалтай босч ирсэн гэнэ.Өглөөний сэрэл хөдлөл нь ердийн нэг үзэгдэл учраас Жэйсон удахгүй эрхтэн нь шалчийх байх гэж боджээ. Үд дунд гэхэд сэрэл нь буураагүй учраас Жэйсон сандарч эхлэн мөсөн эмчилгээ хийхийг оролдов. Болохгүй болохоор нь гүйж эхэлсэн байна. Гэвч энэ аргууд түүнд тус болсонгүй. Арга буюу тэрбээр эмнэлэгт очсон бөгөөд эмч нар түүнээс 1.5 литр цус юүлж гаргажээ. Тэд мөн өвчтөний зовлонг нимгэлэх үүднээс эрхтэнд нь 24 удаа тариа хийхэд хүрэв. Азаар цаг алдалгүй арга хэмжээ авсан тул Жэйсон ирээдүйд бэлгийн дур сэрэл мэдрэх боломжтой хоцров. Хэрвээ удсан бол түүний эрхтэн дахиж хэзээ ч босохгүй байсан гэнэ.
Ийм учраас иймэрхүү шаналалд орсон бол яаралтай эмчид хандах хэрэгтэй юм. Эх сурвалж www.wikimon.mn
0 comments:
Post a Comment