Таван настай хүү өрөнд оров

Таван настай хүү өрөнд оров

3 минутын өмнө

Английн нэгэн таван настай хүү ангийнхаа хүүхдийн төрсөн өдөрт очоогүй тул төлбөрийн нэхэмжлэл хүлээн авчээ. Плимут хотын оршин суугч Алекс Нэш өнгөрсөн оны сүүлээр нэгэн уулын цанын бааз дээр болсон төрсөн өдрийн баярт очихыг зорьж байсан гэнэ. Эцсийн мөчид түүний эцэг, эх яг тэр өдөр тэд өвөө, эмээ дээр нь зочлохоор очих ёстой гэдгийг санаад хүүгээ төрсөн өдөрт явуулаагүй аж.

Тэгтэл саяхан хүү нь сургуулиасаа ангийнхаа хүүхдийн ээж Жули Лоуренсын гарын үсэгтэй 15.95 фунт стерлинг буюу 24 орчим долларыг нэхэмжилсэн баримттай иржээ. Тэрхүү мөнгийг Лоуренсын гэр бүл Алекс хүүгийн хүрэлцэн ирээгүй "айлчлал"-д зарцуулсан байна. Эхлээд хүүгийн эцэг Дерек Нэш үүнийг зүгээр л нэг хошигнол гэж бодсон ч нэхэмжлэлийг сайтар уншаад үнэхээр тоглоом биш гэдгийг нь ойлгожээ.

Тэрбээр хүү нь ангийнхаа хүүхдийн төрсөн өдөрт очиж чадахгүй гэдгийг Лоуренсын гэр бүлд урьдчилж хэлэхийг оролдсон ч тэдний утсыг олоогүй гэдгээ ярив. Дерек төлбөрийг хийхээс татгалзсан тул Лоуренсын гэр бүл төлбөр төлөөгүй хэмээн шүүхэд нэхэмжлэл гаргахаар шийдсэн байна. Эх сурвалж www.wikimon.mn