Я.Батсуурь эмчилгээгээ үргэлжлүүлэн хийлгэнэ
1 цаг 11 минутын өмнө
"Эрдэнэс Тавантолгой"-н гүйцэтгэх захирал Я.Батсуурийг өмгөөлөгч болон намынхан нь батлан даалтад гаргажээ. Тэрбээр хоригдож байхдаа биеийн байдал нь муудаж, хууч өвчин нь сэдэрсэн тул хорихын эмнэлэгт хэвтэн эмчлүүлж байсан юм. Тиймээс батлан даалтад гарсан ч эмчийн хяналтан дор гэрээрээ эмчилгээгээ үргэлжлүүлэн хийж байгаа ажээ.Түүнийг Н.Алтанхуягийн хүргэн Г.Дэнзэнгийн эхнэрийн компанид хууль бусаар их хэмжээний мөнгө дур мэдэн шилжүүлсэн гэх үндэслэлээр буруутгаж, АТГ-аас эрүүгийн хэрэг үүсгэн шалгаж улмаар цагдан хорьсон юм. Харин хэргийн гол эзэн болоод байгаа Г.Дэнзэн гэр бүлээрээ гадаадад оргон гарсан бөгөөд энэ сарын эхээр эх орондоо ирнэ гэж мэдэгдсэн ч одоог хүртэл сураггүй байгаа билээ.
Я.Батсуурийн хувьд хилсээр хэн нэгний золиос болоод гэдгээ хэлсэн бөгөөд ар гэрийнхэн, өмгөөлөгч, намын нөхөд нь ч түүнийг золиослогдож байна гэж үзээд байгаа юм. Эх сурвалж www.wikimon.mn
0 comments:
Post a Comment