1,7 тэрбумын өртэй Хүний хөгжил санг татан буулгана

1,7 тэрбумын өртэй Хүний хөгжил санг татан буулгана

1 цаг 46 минутын өмнө

Ерөнхийлөгч Ц.Элбэгдоржоос өргөн мэдүүлсэн Ирээдүйн өв сангийн тухай хуулийг баталснаар Хүний хөгжил санг татан буулгах сурагтай. Үүнтэй холбоотойгоор УИХ-ын гишүүн Л.Энх-Амгалан "Хүний хөгжил сан их хэмжээний өртэй байгаа. Дээр нь Хүний хөгжил сангаас олгодог Хүүхдийн мөнгө, хүүхдийн эрүүл мэндийн даатгалын шимтгэлийг хэрхэн зохицуулах вэ? Хаанаас, ямар эх үүсвэрээр санхүүжүүлэх вэ?" гэдэгт хариулт хүсэв.

Дээрх хуулийн төслийг хэлэлцүүлэгт бэлтгэх үүрэг бүхий ажлын хэсгийн ахлагч Р.Амаржаргалын тайлбараар Хүний хөгжил сангийн өр барагдтал Ирээдүйн өв сан ачааллыг авна. Нэг ёсны гурван жил шилжилт үргэлжлэх юм байна. Өөрөөр хэлбэл, 2018 оноос өр дууссаны дараа Ирээдүйн өв санд хуримтлал үүсэх гэнэ. Хүүхдийн мөнгө, хүүхдийн эрүүл мэндийн даатгалын шимтгэлийг мөн Ирээдүйн өв сангаас шилжүүлэх аж.

Одоогийн байдлаар Хүний хөгжлийн сан 1.7 тэрбум төгрөгийн өртэй юм байна.
Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.