Токио амьдрахад хамгийн тааламжтай хотоор тодорчээ

Токио амьдрахад хамгийн тааламжтай хотоор тодорчээ

50 минутын өмнө

Японы нийслэл Токио 2015 онд хүн амьдран суухад хамгийн тааламжтай хотоор нэрлэгдэв. Monocle Magazine-ээс гаргасан шинэ чансааг Японы энэ мегаполис хот тэргүүлжээ. Чансааг гаргагчид Токио хот уг судалгааны тэргүүлэгч болсон нь их учиртай гэдгийг онцлов. Түм түжигнэсэн уг хотод нам гүм, амар тайван байдал ноёлдгоороо алдартай билээ.

Араас нь Австрийн Вена, Германы Берлин хотууд жагсав. Эхний аравт Мельбурн, Сидней, Стокгольм, Ванкувер, Хельсинки, Мюнхэн хотууд багтжээ. Өнгөрсөн жилийн жагсаалтыг тэргүүлэгч Данийн Копенгаген хот Цюрихтэй аравдугаар байрыг хуваасан байна.

Топ 25-д Японы өөр хоёр хот болох Фукуока, Киото багтсан аж. Тэд 12 болон 14 дүгээр байрт бичигджээ. Чансааг гаргахдаа орон сууцны нөхцөл, амьдралын өртөг, гэмт хэргийн гаралт, эрүүл мэндийн үйлчилгээ, ажил хэргийн уур амьсгал зэрэг үзүүлэлтүүдийг харгалзсан гэнэ. Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.