Ухаалаг бикини бүтээгджээ (видео)

Ухаалаг бикини бүтээгджээ (видео)

11 минутын өмнө

Францын Spinali Design компани эзэгтэйгээ нарны хурц түлэгдэлтээс хамгаалдаг ухаалаг усны хувцсыг зохион бүтээжээ. Уг усны хувцсанд авч болдог, ус нэвтрэхгүй, хэт ягаан туяаг мэдрэгч төхөөрөмж суурилуулж өгсөн аж. Энэ төхөөрөмж агаарын хэмийг тогтоогоод эзнийхээ арьсны тухай мэдээлэлтэй харьцуулж, шийдвэрээ гаргана. Улмаар усны хувцас эзэндээ нарнаас хамгаалах тос түрхэх цаг нь болсон гэж "хэлнэ".

Үүнийг эзнийх нь ухаалаг утсанд суурилуулсан хавсралтын тусламжтай хийх юм.

Үйлдвэрлэгч компани ухаалаг усны хувцас бүтээсэн гэдгээ тавдугаар сард мэдэгдсэн ч энэ долоо хоногт түүнийгээ худалдаанд гаргажээ. Одоогоор ийм усны хувцсыг зөвхөн эмэгтэйчүүдэд зориулж бүтээсэн байна. Үнэ нь 149 евро гэнэ шүү.

Spinali Design компанийг үүсгэн байгуулагч Мари Спинали "Нэгэн танихгүй бүсгүй наранд шарлагын газар дээр түлэгдэж орхисныг хараад би ийм усны хувцас бүтээх хэрэгтэй юм байна гэж бодсон. Би түүнийг хараад хөөрхий бүсгүйг их өрөвдсөн. Яагаад тэр ямар нэгэн хариу үйлдэл хийхгүй, биедээ тос түрхэхгүй юм уу сүүдэр бараадахгүй байна вэ гэж бодсон шүү" хэмээн ярьжээ.

Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.