Твиттер найдваргүй болжээ

Твиттер найдваргүй болжээ

34 минутын өмнө

Твиттер нийгмийн сүлжээ өөрийн зарим нэг хэрэглэгчдэд захидал илгээсэн бөгөөд түүндээ "Нэгэн улсаас ивээн тэтгэгдэж буй" хакеруудын зүгээс ширүүн дайралт ирэх аюултайг анхааруулсан байна. Ингэхдээ компьютерийн мэдээлэлд хууль бусаар нэвтрэгсдийн увайгүй үйлдлийг чухам аль улс, орон санхүүжүүлж буйг ил болгосонгүй.

Хакерууд твиттер хэрэглэгчдийн утасны дугаар, цахим шуудангийн хаяг, IP хаяг зэргийг олж мэдэхийг оролдох болсон гэнэ. Одоогоор хакерууд твиттер хуудастай цөөн хэдэн хүнд хор учруулж дөнгөөд байгаа аж. Эдгээр тохиолдлуудыг олж мэдээд тус компани өөрийн дотоод шалгалтыг явуулж эхэлжээ.

Google, Facebook компаниуд хөндлөнгөөс нэвтрэгсдээс хамгаалахаар аюулгүй байдлын нэмэлт арга хэмжээнүүдийг авч эхлээд байгаа билээ. Фэйсбүүк ийм арга хэмжээг өнгөрсөн аравдугаар сард авсан юм. Твиттер хэрэглэгчдийн дунд явуулсан асуулгаар тэдний 20 хувь нь анхааруулга бүхий захидлуудыг авсан гэдгээ мэдэгдэв. Твиттер компанийнхан ийм захидал илгээснээ хүлээн зөвшөөрсөн ч өөр ямар нэгэн тайлбар хийхийг хүссэнгүй. Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.