Хөдөлмөрийн хөлсний доод хэмжээ ирэх онд нэмэгдэнэ

Хөдөлмөрийн хөлсний доод хэмжээ ирэх онд нэмэгдэнэ

1 цаг 4 минутын өмнө

Өнөөдөр улсын хэмжээнд 1.1 сая иргэн хөдөлмөр эрхэлж буй судалгаа байгаа. Үүний 200 мянга орчим нь хөдөлмөрийн хөлсний доод хэмжээгээр цалинждаг байна. Тэгвэл Хөдөлмөр, нийгмийн зөвшлийн гурван талт хэлэлцээрийн хүрээнд хөдөлмөрийн хөлсний доод хэмжээг ирэх онд 2 дахин нэмэгдүүлж 380 мянган төгрөг болгоно гэж МҮЭХ-ноос мэдэгдэж байгаа юм.

Өнөөдрийн байдлаар дундаж цалин 600 мянган төгрөг байгаа юм. Хөдөлмөрийн хөлсний доод хэмжээг ийн нэмэгдүүлнээр дундаж цалин өсөх, цаашлаад хувийн хэвшилд ажиллагсадын цалин хөлс нэмэгдэх эерэг хандлага дагаад бий болох гэнэ. Өнгөрсөн жил цалингийн нэмэгдэлд 135-235 тэрбум төгрөг зарцуулсан бол харин энэ жил 300 гаруй тэрбумыг нэмж төсөвт суулгаж байгаа аж. Цалин тэтгэвэр нэмэгдсэн сургаар л бараа бүтээгдэхүүний үнэ дагаад өсдөг жишигтэй.

Гэхдээ хөдөлмөрийн хөлсний доод хэмжээний өсөлт нь нийт хөдөлмөр эрхлэгчдийн ердөө 8.8 хувьд л хамаатай тул инфляцид нэг их нөлөөлөхгүй хэмээн Монголын үйлдвэрчний эвлэлийн холбооноос тайлбарлаж байгаа юм. Эх сурвалж www.wikimon.mn