Алан Ширер Рахим Стерлингт бухимдав
26 минутын өмнө
Английн хөлбөмбөгийн шигшээ багийн ахлагч асан Алан Ширер саяхан Эстонийн багийн эсрэг хийсэн тоглолтын өмнө ахлах дасгалжуулагч Рой Хожсоноос өөрийг нь гарааны бүрэлдэхүүнд гаргахгүй байхыг гуйсан хагас хамгаалагч Рахим Стерлингийг зад шүүмжилжээ. Тэрхүү тоглолтод Английн шигшээ баг 1:0-ийн харьцаатайгаар хожсон юм. Стерлинг өөрийгөө ядарсан гэж дасгалжуулагчдаа эрхэлсэн байна.
"Үнэнийг хэлэх юм бол би энэ яваа насандаа ийм зүйл сонсож байсангүй. Ямар ч байсан өөрийн тоглож байсан багт ийм зүйл сонсоогүй. Хэрэв би Английн шигшээ юм уу "Ньюкасл" багийн ахлагч байхдаа ийм зүйлтэй тулгарсан бол тэр тоглогч дээр явж очоод "Чи юу гэсэн бэ?" хэмээн асуух байсан. Өглөө зургаан цагт ажилдаа очоод гэртээ оройн найман цагт эргэж ирдэг ажилчин хүн 19 настай мэргэжлийн хөлбөмбөгч залуу ядарсан гэдгийг сонсоод гайхах болов уу" хэмээн Ширер онцлов. Эх сурвалж www.wikimon.mn
0 comments:
Post a Comment