Бондын шинэ найз бүсгүйн нэр тодорчээ

Бондын шинэ найз бүсгүйн нэр тодорчээ

29 минутын өмнө

Супертуршуул Жэймс Бондын найз бүсгүйн дүрд тоглох эмэгтэйн нэр тодорхой болсон байна. Холливудын олон ч үзэсгэлэнтэй эмэгтэй Бондын найз бүсгүйд тоглохыг хүсэмжилж явдаг билээ. Тэгвэл энэ удаа продюссерүүд франц бүсгүйг сонгосон аж. Тэр бол өнгөрсөн жилийн Канны кинонаадмын од болсон Лея Сейду юм. Сейду киноны продюссерүүдтэй гэрээ байгуулжээ.

Бондын тухай өгүүлэх 24 дүгээр ангийн зураг авалт 12 дугаар сард эхлэх бөгөөд Италид явагдахаар болов. Найруулагчаар нь "Америк гоо үзэсгэлэн", "Скайфолл ажиллагаа" кинонуудыг бүтээгч Сэм Мендес ажиллах гэнэ. Киноны нээлт 2015 оны 11 дүгээр сарын 06-нд болно.

29 настай Лея Сейду "Аделийн амьдрал" эротик киноны Эммагийн дүрээр алдаршсан нэгэн билээ. Энэ кино өнгөрсөн жил Канны кинонаадам дээр алтан дал модны мөчрөөр шагнагдсан юм. Өмнө нь Бондын найз бүсгүйн дүрд Софи Марсо, Розамунд Пайк, Ева Грин, Ольга Куриленко нар тоглосон удаатай.
Эх сурвалж www.wikimon.mn