Барилгын компаниуд хэтэрхий хайнга байна
1 цаг 1 минутын өмнө
Баянзүрх дүүргийн цагдаагийн 2-р хэлтсээс "Албан мэдэгдэл-хяналт, шалгалт" нэгдсэн үйл ажиллагааг зохион байгуулжээ. Гэмт хэргийн шалтгаан нөхцлийг арилгуулах, урьдчилан сэргийлэх чиглэлээр хэсгийн байцаагч, хэрэг бүртгэгч, мөрдөн байцаагч нараас төрийн болон төрийн бус байгууллага, аж ахуйн нэгжүүдэд албан мэдэгдэл хүргүүлж, мэдэгдлийн мөрөөр шалгалт явуулсан байна. Энэ хүрээнд барилгын компаниудад хөдөлмөрийн аюулгүй байдлыг хангаж ажиллах чиглэлээр зөрчил дутагдлаа арилгах талаар албан мэдэгдэл хүргүүлжээ.Хэдийгээр байгууллагууд албан мэдэгдлийн хариу бичигт бүх зөрчил дутагдлаа арилгасан гэж бичсэн ч цагдаагийн алба хаагч нар газар дээр нь очиж үзлэг, шалгалт явуулахад хэд хэдэн ноцтой зөрчлүүд илэрсэн гэнэ. Үүнд, хөдөлмөрийн аюулгүй байдлын зааварчилгааны дэвтэр байхгүй, байгаа дэвтэр дээрээ хөтлөлт хийгдээгүй, зориулалтын малгай өмсөөгүй, хамгаалалтын тор татаагүй, мэргэжлийн инженер хүрэлцээгүй, удирдлагаар хангаж ажиллаагүй зэрэг барилгын ажил явуулахад зайлшгүй шаардлагатай хэд хэдэн нөхцлийг зөрчин ажиллаж байсан нь тогтоогджээ. Эх сурвалж www.wikimon.mn
0 comments:
Post a Comment