Хотын цагдааг Ч.Болдбаатар толгойлно
24 минутын өмнө
Нийслэлийн цагдаагийн газрын даргыг анх удаа олон нийтийн санал асуулгаар тодруулахаар болж, өнгөрсөн хугацаанд сонгон шалгаруулалт явуулж, халз мэтгэлцээн зохион байгуулсан. Тэгвэл Улаанбаатар хотын цагдаагийн даргад олон нийтээс 80 оноо авсан Ч.Болдбаатарыг нэр дэвшүүлэх тогтоол гарчээ. Тус албан тушаалд анх зургаан хүн өрсөлдсөн бөгөөд хамгийн сүүлд Ч.Болдбаатар, Д.Цэрэндорж нар тунаж үлдээд байсан юм.Харин Ч.Болдбаатар нь олонхийн санал авсан байна.
Тэрбээр Цагдаагийн дээд сургууль, ОХУ-ын Дотоод явдлын яамны Удирдлагын акедами төгссөн, эрхзүйч төрийн болоод орон нутгийн удирдлагын менежер мэргэжилтэй, хууль зүйн ухааны магистр цолтой юм байна. Ч.Болдбаатар нь өмнө нь Баянгол дүүргийн цагдаагийн хэлтэст мөрдөн байцаагч, Эрүүгийн цагдаагийн газарт төлөөлөгч, Дундговь аймгийн Засаг даргын дэргэдэх Цагдаагийн хэлтсийн дэд дарга, Эрүүгийн цагдаагийн газарт Тасгийн дарга, Сонгинохайрхан дүүрэг дэх Цагдаагийн хэлтсийн даргаар ажиллаж байгаад 2012 оноос Нийслэлийн цагдаагийн газрын дэд дарга, Хэв журам хамгаалах газрын дарга, 2014 оны хоёрдугаар сараас тус газрын даргын түр орлон гүйцэтгэгчээр ажиллаж байжээ.
Эх сурвалж www.wikimon.mn
0 comments:
Post a Comment