Улаан буудайн импортын хэмжээг багасгав
43 минутын өмнө
Сүүлийн үед гурилын үйлдвэр, тариаланчид хооронд улаан буудай худалдах асуудлаар маргаан үүсээд байсан бол зөвшилцөлд хүрсэн талаар Үйлдвэр, хөдөө аж ахуйн яамнаас мэдээллээ. Тодруулбал, ҮХААЯ-наас нэр бүхий нэг спиртний үйлдвэр, дөрвөн гурилын үйлдвэрт нийт 49 мянган тонн улаан буудай импортлох эрхийг олгоод байсан юм. Ингэснээр гурилын үйлдвэрүүд дотоодын тариаланчдаас улаан буудай авахгүйд хүргэж байна гэж Үр тариа эрхлэгчдийн холбооноос шүүмжилсэн.Гэтэл одоо үлдсэн дотоодын улаан буудайн цавуулаг багассан учраас чанартай гурил гаргахын тулд импортоор цавуулаг өндөр улаан буудай авч холих шаардлагатай болсон талаар гурилын үйлдвэрийн удирдлагууд учирлаж байсан.
Тэгвэл үүссэн нөхцөл байдлыг харгалзан үзээд Үйлдвэр, хөдөө аж ахуйн яам, гурилын үйлдвэрүүд, Үр тариа эрхлэгчдийн холбооны албаны төлөөллүүд зөвшилцөлд хүрч, импортлох улаан буудайг тодорхой хэмжээгээр хасчээ. Эх сурвалж www.wikimon.mn
0 comments:
Post a Comment