“Нүүрс” хөтөлбөр хэрэгжихгүй

"Нүүрс" хөтөлбөр хэрэгжихгүй

0 минутын өмнө

Засгийн газрын хэрэгжүүлсэн, хямд үнэтэй нүүрсээр иргэдийг хангах зорилготой байсан "Нүүрс" хөтөлбөр энэ жил хэрэгжихгүй гэдгийг албаны эх сурвалж хэлж байна. Уг нь өнгөрсөн жил 40 кг нүүрсийг 3200 төгрөгөөр зардаг цэгүүд ажиллаж байсан бол энэ жил тус газар нь хувь хүмүүс, хувийн компани нүүрс зарж байгаа гэнэ. Иргэд үүнийг нь мэдэхгүй жижиг ууттай болсон байна хэмээн буруу ойлголттой байгаа юм. Зарж байгаа хүмүүсийн хувьд 30 кг хүрэхгүй нүүрсийг шар уутанд хийж 3000 төгрөгөөр зарж байгаа ажээ. Өнөөдрийн байдлаар нэг шуудай нүүрс 2500-3000 төгрөгийн ханштай байна.

Уг нь Шинэчлэлийн Засгийн газар гэр хорооллын иргэдээ хямд өртөгтэй нүүрсээр хангах зорилгоор "Нүүрс" хөтөлбөрийг хэрэгжүүлсэн нь зөв байсан. Энэхүү хөтөлбөр амжилттай хэрэгжсэний үр дүнд өмнө нь 200 мянган төгрөгөөр авдаг байсан нэг тонн нүүрсийг 80 мянган төгрөгөөр худалдан авдаг болж, бага, дунд орлоготой олон мянган өрхийн амьдралд тодорхой хэмжээгээр нөлөөлсөн тухай Засгийн газраас мэдэгдэж байсан юм.

Дашрамд дуулгахад, МУ-ын Ерөнхий сайдын ахлах зөвлөх Л.Гансүхийг Багануурын нүүрсний уурхайгаас нэг тонн нүүрсийг 27500 төгрөгөөр л худалдан авч иргэдэд 80 мянгаар дамлаж зөрүүнээс нь 14 тэрбум 674 сая 500 мянган төгрөгийг нүүрс хөтөлбөрөөс олсон гэж үзээд цагдан хорьж байгаа юм. Ийнхүү "Нүүрс" хөтөлбөрийг хэрэгжүүлж байсан хүн нь шоронгийн хаалга татсанаас болж энэ жил хэрэгжихгүй болжээ. Эх сурвалж www.wikimon.mn