Алдартнуудад хувирдаг мундаг эр

Алдартнуудад хувирдаг мундаг эр

16 минутын өмнө

Филиппины 31 настай жүжигчин Паоло Баллестерос тун өвөрмөц хоббитой нэгэн. Өөрийн чөлөөт цагаар тэр хайртай алдартнуудынхаа дүрд хувирдаг юм. Тэрбээр Анжелина Жоли юм уу Майли Сайрусын хувилбар болохын тулд хэдэн ч цагийг зарцуулж чадна. Түүний хувирал гайхалтай болдог аж. Паоло оддын дүрд хувирсан байдлаа зурагжуулаад цахим ертөнцөд тавьсан нь ихээхэн шуугиан дэгдээж байна.

"Компьютерийн ямар ч программ намайг миний шүтээнүүдтэй ийм адилхан болгож чадахгүй" гэж тэрбээр бахархангуй өгүүлэв.

Паоло гайхалтай хувиралт хийхийн тулд хиймэл үс, контакт линз, нүүр будалт зэргийг ашигладаг байна. Одоогийн байдлаар энэ жүжигчин залуу Женнифер Лоуренс, Кэти Перри, Рианна, Диана гүнжид хувирч чаддаг болжээ. Гэхдээ Паологийн ярьж байгаагаар түүний дуртай дүрүүд бол Анжелина Жоли, Мэрайя Кэри нар гэнэ. "Анжелина болох тун амархан. Өөртөө дарвайсан уруул наачихад л та түүнтэй адилхан болчихно. Харин Мэрайя шиг харагдахын тулд нэлээн хичээх хэрэгтэй болдог шүү" гэж Паоло Баллестерос ярьжээ.

Эх сурвалж www.wikimon.mn