Рассел Кроу салахаа хойшлуулав

Рассел Кроу салахаа хойшлуулав

1 цаг 39 минутын өмнө

Жүжигчин Рассел Кроу, Даниель Спенсер нар гэрлээд есөн жил болсны эцэст 2012 онд хоёр тийш болсон билээ. Гэвч тэд албан ёсоор салсан гэх мэдээлэл гараагүй юм. Хэд хоногийн өмнө жүжигчин эр толгой нь эргэсэн байдалтай байгаа гэдгээ харуулжээ. Дөрөв хоногийн өмнө телевизийн нэгэн сувагт ярилцлага өгөхдөө 50 настай Кроу өөрийн амжилт, ололтын тухай ярив.

"Би их азтай хүн. Надад хоёр сайхан хүүхэд байдаг. Мөн би энэ дэлхийн хамгийн үзэсгэлэнтэй эмэгтэйтэй гэрлэсэн" гэж өгүүлсэн аж. Тэгвэл өнгөрсөн долоо хоногт Кроу эхнэрээ "Миний экс эхнэр" гэж хэлээд авсан юм. Өдгөө тэд үе үе хамтдаа үзэгдэх болсон бөгөөд нэг сарын өмнө Сидней хотод Николь Кидманы аавыг оршуулах үеэр хамтдаа харагдсан билээ.

Тэд аль 1989 онд "Огтлолцол" киноны зураг авалтын үеэр танилцжээ. 2001 онд дахин уулзаад Кроугийн 39 насны төрсөн өдөр буюу 2003 оны дөрөвдүгээр сарын 07-нд гэрлэсэн байна. Одоо тэд 10 настай Чарльз, найман настай Теннисон гэдэг хөвгүүдтэй юм. Эх сурвалж www.wikimon.mn