Хоёр давхар байшингаа iPhone 6-гаар солино

Хоёр давхар байшингаа iPhone 6-гаар солино

41 минутын өмнө

Америкийн Детройт хотын нэгэн үл хөдлөх хөрөнгө худалдаалах сайт дээр тун өвөрмөц зарлал тавигджээ. Нэгэн эрэгтэй өөрийнх нь хоёр давхар байшинг худалдаж авах юм уу түүнийг нь iPhone 6 Plus ухаалаг гар утсаар солихыг санал болгов. Гурван унтлагын өрөөтэй тэр тоосгон байшин хэдэн сарын өмнө 5000 долларын үнээр худалдагдана гэж зарлагдсан билээ. Наймдугаар сар гэхэд түүний үнэ 3000 доллар болтлоо унасан ч дампуурлаа зарласан хотод үл хөдлөх хөрөнгөтэй болохыг хүсэгчид олдоогүй юм. Иймд гэрийн эзэн түүнийгээ шинэ ухаалаг гар утсаар солихоор шийджээ.

"Энэ зарлал бодит зүйл шүү. Миний үйлчлүүлэгч одоо хилийн чанадад байгаа учраас надад бүхнийг даатгасан. Байрны оронд тэр iPhone 6 Plus юм уу 32 гигабайтын ой санамжтай iPad авахыг хүсч байгаа" хэмээн үл хөдлөх хөрөнгө зуучлагч хүн ярив.

Энэ үл хөдлөх хөрөнгийн эзэн Австри Улсад амьдардаг бөгөөд Детройтод хэзээ ч оршин сууж байгаагүй гэнэ. 2010 онд тэрбээр уг байшинг цаашдаа түрээслүүлэхээр 41 мянган доллараар авчээ. Хот дампуурснаар түрээслэх хүн олдоогүй аж. Одоогоор үл хөдлөх хөрөнгө зуучлах газарт түүний тавьсан санал сонирхолтой санагдсан дөрвөн хүн хандаад байна. Нэг эмэгтэй энэ байшинг худалдаж аваад түлээ болгоно гэсэн бол өөр нэг эр орхигдсон хөрөнгийг iPhone 5-аар солихыг санал болгов. Өөр хоёр хүн байшинг 850 болон 700 доллараар авах хүсэлтээ илэрхийлжээ. Эх сурвалж www.wikimon.mn