Өнгөрсөн оны хамгийн ядмаг нууц үгнүүд

Өнгөрсөн оны хамгийн ядмаг нууц үгнүүд

44 минутын өмнө

Өнгөрсөн жил буюу 2014 онд цахим нууц үгний хамгийн найдваргүй хувилбараар дахиад л 123456 гэсэн тоонуудын цуглуулга шалгарсан аж. SplashData компани жил бүр хамгийн ядмаг интернэт нууц үгнүүдийн чансааг гаргадаг билээ. Удаахь байранд дахиад л password буюу нууц үг гэдэг үг орсон гэнэ. Тэгвэл гуравдугаар байрт 17 байраар дээшлэн 1-5 хүртэлх тооны дараалал бичигджээ. Харин дөрөвт 12345678 гэсэн тоонуудын цуглуулга бичигдэв. Тэгвэл тавд qwerty гэдэг үг орсон байна.

Шинжээчид дэс дараалсан тоонуудын цуглуулгыг оруулаад хэн хүний нууцад нэвтрэхэд маш амархан гэдгийг онцолж байгаа юм. Эхний 25 найдваргүй нууц үгнүүдийн дотор дэс дараалсан тоонуудын эзлэх хэмжээ 10 байгаа юм. Тийм учраас чухал мэдээлэл бүхий программыг ийм ядмаг нууц үгтэй болгоод хэрэггүй л болов уу.

Найдваргүй нууц үгнүүдийн дотор спортын зарим нэг төрлүүдийн нэр, алдартай багуудын нэр оржээ. Хэрэглэгчид мөн нууц үгийн хувиар өөрсдийн нэрээ бичих нь их гэнэ. Жишээ нь, найдваргүй нууц үгнүүдийн хорьдугаарт Michael, эхний зууд Jennifer, Michelle зэрэг нэрнүүд багтжээ. Түүнчлэн 1989-1992 онуудыг хамарсан он жилүүд найдваргүйд тооцогдов. Бас дуртай баатрынхаа нэрийг нууц үгээр оруулбал та балрах аж. Чансааны 21-д superman, 24-т batman гэдэг үгнүүд бичигджээ. Эх сурвалж www.wikimon.mn