Сүм, хийдүүдээс хэд хэдэн зөрчил илэрчээ
1 цаг 33 минутын өмнө
НОБГ-аас Сар шинийн баяраар иргэд их очдог шашны байгууллагуудад гамшгаас хамгаалах болон гал түймрийн улсын хяналтыг хэрэгжүүлэх төлөвлөгөөт бус шалгалтыг 2015 оны нэгдүгээр сарын 21-ний өдрөөс хоёрдугаар сарын 11-ний өдрийг хүртэл зохион байгуулжээ. Шалгалтаар нийт 72 объект хамрагдсан бөгөөд хэд хэдэн зөрчил илэрчээ. Зөрчил гаргасан есөн албан тушаалтныг 540,000 төгрөгөөр торгож захиргааны арга хэмжээ авсан байна.Шалгалтаар илэрсэн нийтлэг зөрчлүүд:
Барилга байгууламжийн хийц бүтээцийн шийдэл нь гал түймэр гарсан тохиолдолд хүн амын аюулгүй байдлыг хангахуйц, гал түймрийг бага хохиролтойгоор унтраах бололцоог хангаагүй
Авралтын зам гарцан дээр ослын гэрэлтүүлэг хийгээгүй
Агааржуулалтын систем суурилуулаагүй
Барилгын шатамхай хийц бүтцэд галын тэсвэршилтийг сайжруулах нэвчилгээ хийгээгүй
Аюулт үзэгдэл, техникийн холбогдолтой осол гарсан үед хүний амь бие, эд хөрөнгө аварч гаргах авралтын зам гарцын схем зураг хийгээгүй
Зам гарцын чиглэл заасан анхааруулах тэмдэглэгээг хүний нүдэнд ил харагдахуйц газар байрлуулаагүй зэрэг зөрчлүүд илэрчээ.
Эх сурвалж www.wikimon.mn
0 comments:
Post a Comment