Н.Номтойбаярын "худлаа амлалт"-ууд дахин эхэллээ
1 цаг 5 минутын өмнө
Сайн эцгийн буянд улс төр, бизнесийн ажил нь ногоон гэрлээр яваа хүн бол Нямтайширын Номтойбаяр. Түүний тухай үнэн, худал нь мэдэгдэхгүй өдий төдий цуу яриа байдаг ч тэрбээр тэр болгоныг нэг их тоодоггүй билээ. Тэгвэл УИХ-ын гишүүн болсноос нь хойш түүний тухай таагүй мэдээллүүд газар авсаар байгаа юм.Дорнод аймгаас сонгогдсон хэдий ч аймаг орондоо нэг ч олигтой ажил хийгээгүй учраас ард иргэд Н.Номтойбаярыг сонгосондоо амаа барьж суугаа. Өнгөрсөн жил тэрбээр аймгийн дөрвөн сум үүсэн байгуулагдсаны ойн наадам дээр сүр бадруулан очоод тус бүрт нь 50 сая төгрөг амлаад явсан хэдий ч одоог болтол өгсөн ч юмгүй, энэ жил мөн л дөрвөн сумын ой давхацсан жил нөгөө л 50 саяынхаа амлалтыг гудийлгүй өгсөөр яваа аж.
Саяхан Бөхийн өргөөнд зохиогдсон нэгэн сумын ойг угтсан хандивын концертон дээр тэрбээр тайзнаа гарч үг хэлэхдээ өнөөх л амлалтаа хэлэхэд олон түмэн ихэд уурсаж, тоглолтыг хурдан эхлүүлэхийг шаардсан сурагтай.
Ард олон ноён Н.Номтойбаяраас өнгөрсөн жилийнхээ амласан мөнгийг өгөөч гэж нэхэхээр "Та нар төслөө бичээд өг" гэж амыг нь тагладаг аж. Ер нь тойргийн ард иргэдэд нь өвчин зовлон, гай тотгор тохиолдсон үед санал хүсэлт, өргөдөл гомдол ирэхээр тэр огт харьцдаггүйгээр барахгүй утсаа ч авахгүй муриад алга болдог гэнэ дээ. Эх сурвалж www.wikimon.mn
0 comments:
Post a Comment