Замаар гарч явсан дөрвөн хүүхдийг дайрчээ
32 минутын өмнө
Өчигдөр Улаанбаатар их дэлгүүрийн арын явган хүний зам дээр "Приус" маркийн автомашины жолооч эмэгтэй замаар гарч явсан дөрвөн охиныг дайрч гэмтээжээ. Эл хэргийг Улаанбаатар хотын Замын цагдаагийн хэлтсээс шалгаж байгаа бөгөөд явган хүний замаар гарч явсан охидуудын буруу биш бөгөөд хүүхдүүдийг хараагүй жолоочийн буруу гэсэн эхний дүгнэлтийг гаргасан байна.Эмэгтэй жолоочийн хувьд ямар нэгэн согтууруулах ундаа хэрэглээгүй бөгөөд бие давхар нэгэн аж. Тэрбээр ослын талаар ярихдаа "Би хараагүй. Хажуу талын машины цаанаас гэнэт гараад ирсэн. Хэргийг шалгаж байгаа учраас би сайн мэдэхгүй" гэжээ.
Харин осол болсоны дараа эмнэлгийн тусламж үзүүлэх Түргэн тусламжийн 103-т дуудлага өгсөн ч бүтэн цаг өнгөрсөн ч ирээгүй байна. Бэртсэн хүүхдүүд осол гаргасан жолоочийн машинд эмч нарыг хүлээсэн бөгөөд цагийн дараа түргэн тусламж ирээд хүүхдүүдийг ГССҮТ рүү аваад явжээ. Эх сурвалж www.wikimon.mn
0 comments:
Post a Comment