”Тэди”-гээс авсан ”хульхи” утаснуудыг буцаалгав

"Тэди"-гээс авсан "хульхи" утаснуудыг буцаалгав

Өчигдөр 15 цаг 17 минут

Хуурамч гар утас болон үүрэн холбооны оператор компаниудын үйлчилгээний талаарх гомдлууд ШӨХТГ-т тасралтгүй ирдэг байна. Саяхан л гэхэд иргэн Н, Ж нь Тэди төвөөс худалдан авсан хоёр ширхэг Galaxy Note утас нь оргинал утас биш байна гэсэн гомдлыг гаргасны дагуу тус төвийн үйлчилгээний менежертэй холбогдож тэдний гомдлыг барагдуулжээ.

Уг утсыг худалдан авсан иргэний баталгааны хугацаа дуусаагүй байсан тул гар утас хэрэглэсэн хугацааны шимтгэлийг хасч утасны үнэ болох / /510000 төгрөг/-ийг хэрэглэгчдэд буцаан олгуулсан байна.

Харин иргэн Ж-ийн худалдан авсан утсыг хэрэглэгчийн хүсэлтээр өөр загварын гар утсаар солиулсан аж. Мөн тус төвөөс Galaxy Grand Prime гар утас худалдан авсан иргэн Т-ийн утасны дэлгэцний мэдрэгч ажиллахгүй байна гэсэн гомдлын дагуу хэрэглэгчийн хүсэлтээр гар утас хэрэглэсэн хугацааны шимтгэлийг хасч гар утасны үнэ болох /320000 төгрөг/-ийг хэрэглэгчид буцаан олгуулсан гэнэ.  Эх сурвалж www.wikimon.mn