Бүртгэлийн загвараас зөрүүтэй эм авахгүй байхыг анхааруулав

Бүртгэлийн загвараас зөрүүтэй эм авахгүй байхыг анхааруулав

18 минутын өмнө

Польш Улсын "Польфарма" эмийн үйлдвэрт үйлдвэрлэсэн Диакарб (ацетазоламид) 250мг шахмал эм нь эмийн бүртгэлд бүртгэгдсэн байна. Уушги-зүрхний дутмагшлаас шалтгаалсан хаван, нүдний глауком /нүдний дотоод даралт ихсэх/ өвчин, шээс хөөх зорилгоор болон эпилепси /уналт, таталт/ -ийн үед хэрэглэдэг энэ эмийг эмийн сангууд жороор олгох ёстой.

Гэтэл энэ эмийг ОХУ-ын "Акрихин" эмийн үйлдвэрт савласан гэсэн хаягтай, бүртгэлийн загвараас зөрүүтэйгээр зах зээлд худалдаалж байгаа аж. Улсын бүртгэлийн загвараас зөрүүтэй "Диакарб" эмийн савлагаанд ОХУ-ын "Акрихин" үйлдвэрт үйлдвэрлэсэн гэсэн бичигтэй, хэрэглэх арга, зааврын бичилт, үйлдвэрлэсэн огноо, цуврал, бүртгэлийн дугаар, эмийн найрлагын бичилт байгааг анхааруулъя.

Цаашид эмийн бүртгэлийн загвараас зөрүүтэй эмийг импортлох, худалдах, хэрэглэхгүй байхыг Мэргэжлийн хяналтын байгууллагаас сэрэмжлүүлж байна.

Манай улсад үйлдвэрлэх, импортлох, худалдах эм, эмийн түүхий эд, биологийн идэвхит бүтээгдэхүүнийг Улсын бүртгэлд бүртгүүлсэн байх ёстой. Ингэхдээ эмийн чанар, аюулгүй байдлын баталгааг хангах чиглэлээр эрүүл мэндийн тусламж, үйлчилгээний хэрэгцээнд нийцүүлэн эмчилгээний өндөр идэвхитэй, чанартай, аюулгүй эмийг бүртгэдэг юм. Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.