Дэлхийд гайхагдах үзэсгэлэн нээлтээ хийнэ

Дэлхийд гайхагдах үзэсгэлэн нээлтээ хийнэ

28 минутын өмнө

"Хүннү молл" цогцолборт шинээр дэлгэгдэж буй дэлхийд гайхагдах "Монголын үлэг гүрвэлийн гайхамшиг" үзэсгэлэн маргааш 12:00 цагт албан ёсоор нээлтээ хийнэ.

Үзэсгэлэнгийн нээлтийн ёслолын ажиллагаанд БСШУ-ны сайд Л.Гантөмөр, ШУА-ийн ерөнхийлөгч, академич Б.Энхтүвшин, ШУА-ийн Палеонтологи, геологийн хүрээлэнгийн захирал Х.Цогтбаатар, академич, үлэг гүрвэл судлаач Р.Барсболд нар оролцох аж.

Монгол орон эртний шим ертөнцийн чулуужсан олдвороор дэлхийд дээгүүр байр суурь эзэлдэг бөгөөд ялангуяа үлэг гүрвэлийн судалгааныхаа үр дүнгээр дэлхийд тэргүүлэх байрыг эзэлдэг.

ШУА-ийн Палеонтологийн төвийн эрдэмтэн судлаачид үлэг гүрвэлийн хоёр томоохон үзэсгэлэнг бэлтгэн дэглэж, дэлхийн 20 гаруй орны 70 гаруй хотод зохион байгуулсан билээ.

Мөн үеэр "Монголын үлэг гүрвэл" танин мэдэхүйн баримтат киног сонирхуулах юм. Түүнчлэн "Үлэг гүрвэлийг хэн сайн зурах вэ?" сэдвээр хүүхэд багачуудын дунд уран зургийн уралдааныг зохиох ажээ. Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.