Нутаг нэгтнүүдээ залилсан этгээд амиа хорложээ

Нутаг нэгтнүүдээ залилсан этгээд амиа хорложээ

Өнөөдөр 15 цаг 1 минут

Турк Улсын Истамбул хотод Монголын нэг иргэн амиа хорлосон талаар өмнө нь бид мэдээлж байсан. Тус улсын хууль хяналтын байгууллагад шалгагдаж байсан Т.Дамдиндорж гэгч этгээд Монголд байхдаа нутаг нэгтнүүдээ залилж, их хэмжээний бэлэн мөнгө авсан хэргээр шалгагдаж байсан бөгөөд иргэдэд хоёр тэрбум төгрөгийн хохирол учруулсан гэдгийг хуулийнхан тогтоосон аж. Түүнийг цагдан хорьсон байсан бөгөөд өнгөрсөн оны арванхоёрдугаар сард батлан даалтад гаргасан байжээ.

Улмаар гадуур байцаагдаж байхдаа дээрх улс руу Г.Ганзориг гэдэг нэртэй гадаад паспортаар хил нэвтэрч, оргон зайлсан гэнэ. Ингээд тус улсад хууль бусаар "MGL Town" компанийг ажиллуулан иргэдийн мөнгөн гуйвуулга, илгээмжийг хямдаар явуулж өгч байгаад 26 мянган ам доллар залилсан байна. Тиймээс тэнд сурдаг монгол оюутнууд Т.Дамдиндоржийг цагдаад мэдэгдэж баривчуулсан бөгөөд ийнхүү шалгагдаж байхдаа тэрбээр амиа егүүтгэжээ.
Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.