“Ноёд Констракшн” Барилгын ТОП-1 компаниар шалгарлаа

"Ноёд Констракшн" Барилгын ТОП-1 компаниар шалгарлаа

24 минутын өмнө

Монголын Маркетинг Менежментийн Хүрээлэнгээс санаачлан зохион байгуулдаг "GrandExpo-2015" үндэсний бизнес фестиваль амжилттай болж, олон нийтийн интернэт санал асуулгаар тодорсон Үндэсний шилдэг аж ахуйн нэгжүүдэд 2015 оны 12 дугаар сарын 10-нд шагналаа гардууллаа.

Монгол улсад барилгын салбар эрчимтэй хөгжиж байгаатай холбогдуулан барилга, хот байгуулалтын салбарын санал асуулга нэлээд өрсөлдөөнтэй болжээ. Хамгийн гол нь чанартай бөгөөд хямд орон сууцаар иргэдээ хангах чиглэлд амжилттай ажиллаж чадсан үндэслэлээр "Ноёд Констракшн" ХХК нь "GrandЕxpo-2015" наадмын Барилга хот байгуулалтын салбарын ТОП таван барилгын компанийн нэгд шалгарсан байна. Топ 5 барилгын компанийн 2-р байрт "Жигүүр Гранд" групп, 3-р байрт "Хурд" групп, 4-р байрт "Алтай констракшн", 5-р байрт "Эко Констракшн" ХХК тус тус шалгарчээ.

"Ноёд Констракшн" ХХК нь Баянзүрх дүүргийн тавдугаар хорооны нутаг дэвсгэрт эхний ээлжинд 540 айлын орон сууц бүхий "Таравлин" хотхоны бүтээн байгуулалтын ажлаа амжилттай гүйцэтгэж, хоёрдугаар ээлжийн бүтээн байгуулалтын ажилдаа ирэх 2016 онд орохоор төлөвлөн ажиллаж байгаа ажээ.
Эх сурвалж www.wikimon.mn

Д.Билгүүн

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.