Ниагарын хүрхрээг “унтраана”

Ниагарын хүрхрээг "унтраана"

55 минутын өмнө

Нью-Йоркийн улсын цэцэрлэгт хүрээлэнгүүдийн захиргаа байгалийн энэ ховор гайхамшгийг харахаар очдог жуулчдын зогсдог гүүрнүүдийг засварлахын тулд хэсэг хугацаанд Ниагарын хүрхрээг "унтраах"-ыг санал болгожээ. Тэд Ниагара мөрний урсгалыг өөрчилж, Канадын Хорсшу хүрхрээ рүү нийлүүлээд Америкийн нутаг дэвсгэр дээрх хүрхрээг хэсэг хугацаанд сайр болгох гэнэ. 1900 болон 1901 онуудад баригдсан хоёр гүүрээр дамжиж аялагчид Гоут Айлэндэд хүрдэг. Гэвч энэ хоёр гүүр эвдэрч байгаа тул аюулгүй байдлын үүднээс 2004 онд олсон гүүрнүүдийг байгуулсан билээ.

Хэрэв энэ санал дэмжигдвэл хүрхрээ Америкийн талаас хоёр дахь удаагаа ийнхүү хаагдах болно. Анх 1969 онд Ниагарын хүрхрээг "хааж" байсан юм. Хөрсний нуранги байнга болдог байсан тул хамгаалалтын далан барьсан юм. Ниагарын хүрхрээ гэдэг нь Америкийн Нью-Йорк мужийг Канадын Онтарио мужаас заагладаг хүрхрээнүүд билээ. Өндөр нь 53 метр аж. Энэ байгалийн гайхамшигт үзэгдлийг үзэж сонирхохоор жил бүр дэлхийн 12 сая орчим жуулчин тэнд очдог гэнэ. Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.