Харрисон Форд хамгийн “баян” жүжигчнээр тодров

Харрисон Форд хамгийн "баян" жүжигчнээр тодров

15 минутын өмнө

Статистик тоо мэдээллээр бол жүжигчин Харрисон Форд хамгийн их орлого цуглуулсан Холливудын жүжигчнээр тодорчээ. Түүний оролцон тоглосон кинонууд нийтдээ 4.7 тэрбум долларын орлого олсон байна. Харин Том Хэнкс, Сэмюэл Жексон нар удаалжээ.

Сонирхолтой нь, хамгийн их орлого оруулдаг 20 жүжигчний дотор ганцхан эмэгтэй байгаа юм. Энэ нь Холливудад хүйсийн тэгш эрхийн байдал зөрчигдөж буйг харуулав. Эмэгтэй жүжигчдийг Кэмерон Диас тэргүүлжээ. Түүний тоглосон кинонууд 3.03 тэрбум доллар олсон аж.

Найруулагчдын хувьд хэдэн жил дараалан тэргүүлэгчээр Стивен Спилберг тодорч байгаа юм. Түүний кинонууд 4.25 тэрбум доллар олжээ. Найруулагч эр мөн продюссерүүдийн чансааг тэргүүлэв. Тэрбээр өөрийн кинонуудаар 7.49 тэрбум доллар олсон гэнэ.

Хамгийн их орлого авчирсан кино зохиолчоор "Оддын дайн"-ыг бичсэн Жорж Лукас 3.39 тэрбум доллараар, хамгийн их орлого оруулсан зураглаачаар "Бөгжний эзэн", "Хоббит" кинонууд дээр ажилласан Эндрю Лесни 2.59 тэрбум доллараар тодорчээ. Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.