Хатан хааны 90 жилийн ойгоор их британичууд балай авна
20 минутын өмнө
Их Британийн Хатан хаан II Елизаветагийн мэндэлсний 90 жилийн ойг тэмдэглэх үеэр буюу энэ оны зургаадугаар сарын 10-11-ний өдрүүдэд тус улсын уушийн газрууд уртасгасан цагаар ажиллах болно гэдгийг Ерөнхий сайд Дэвид Кэмерон хэлэв. Парламентад хэлсэн үгэндээ Кэмерон "Тэр хоёр өдөр бид нар Хатан хааныхаа 90 насны ойг ёслол төгөлдөр тэмдэглэхийн тулд уушийн газруудын ажиллах цагийн хуваарьт өөрчлөлт оруулж, тэдгээрийг уртасгасан цагаар ажиллуулна" хэмээжээ. Хатан хааны төрсөн өдрийг үндэсний хэмжээнд бүтэн хэдэн сарын туршид тэмдэглэн өнгөрүүлэх аж.Хэдийгээр Хатан хаан дөрөвдүгээр сарын 21-нд мэндэлсэн ч уламжлал ёсоор зуны дэлгэр цагт Хааны мэндэлсний албан ёсны өдөр хэмээгддэг өдөр тэмдэглэдэг билээ. Ойн хүрээнд Британийн Хамтын Нийгэмлэгийн бүрэлдэхүүнд багтдаг бүх улс, орнуудын амбан захирагч нарыг оролцуулсан хүндэтгэлийн зоогийг барих бөгөөд цэргийн сүрт жагсаал хийнэ. Мөн буяны цэнгэл баясал, дэлхийн шилдэг морин спортын тамирчдын оролцсон шоу үзүүлбэр ч болох аж. Мөн Хатан хаан бүрэлдэхүүнд нь байдаг орнуудаар зочилж, парламентад нь үг хэлнэ. Эх сурвалж www.wikimon.mn
0 comments:
Post a Comment