”Харвони” эмийг хөнгөлөлттэйгээр олгох асуудлыг шийднэ

"Харвони" эмийг хөнгөлөлттэйгээр олгох асуудлыг шийднэ

24 минутын өмнө

Иргэд ганц хайрцаг "Харвони" эм авахын тулд гурван сая орчим төгрөг зарцуулж байгаа тул энэ оны төсвийн тодотголоор эрүүл мэндийн даатгалын санд 30 тэрбум төгрөгийг суулгаж, уг эмийг 80 хувийн хөнгөлөлттэй олгохыг хүссэн. Тиймээс энэхүү эмийг эрүүл мэндийн даатгалын хөнгөлөлтөөр иргэдэд олгох асуудлыг шийдвэрлэхээр гурван яам хамтарсан ажлын хэсэг гарган ажиллаж байгаа гэнэ.

Энэ үеэр ХАХНХЯ-ны Төрийн нарийн бичгийн дарга Г.Нарангэрэл "Харвони" эмийг хөнгөлөлттэйгөөр олгох ажил нааштай шийдэгдэхээр болсон гэдгийг дуулгалаа. Тэрбээр "Эрүүл мэнд, спортын яамнаас гуравдугаар сарын 22-нд "Харвони" эмийг жагсаалтад оруулж, баталсан.  Энэ жагсаалтыг манай яаманд ирүүлсэн тохиолдолд асуудал хурдан шийдэгдэж, Харвони эмийг хөнгөлөлттэй үнээр олгоход асуудалгүй.  Гэхдээ Сангийн яамны зүгээс санхүүжилтийг шийдвэрлэх асуудал бий" гэж мэдэгдсэн юм.

Тэгвэл Сангийн сайд Б.Болорын зүгээс энэ асуудалд биечлэн анхаарч, хариуцаж ажиллана гэдгээ илэрхийлсэн байна. "Энэ зургаадугаар сард багтаж 2016 оны төсвийн тодотгол хийнэ. Тиймээс "Харвони" эмийг хөнгөлөлттэй үнээр олгох асуудлыг өөрийн биеэр хариуцаж шийдвэрлэх болно" хэмээн Сангийн сайд Б.Болор мэдэгджээ. Ямартай ч "Харвони" эмийг хөнгөлөлттэй нөхцөлөөр олгох асуудалд ЭМСЯ, ХАХНХЯ, Сангийн яам хамтран ажлын хэсэг байгуулжээ.

Эх сурвалж www.wikimon.mn

Let's block ads! (Why?)