Автобусны картыг шинэчилнэ
48 минутын өмнө
Ирэх сараас автобусны "U Money" картын шинэчлэлийг хэрэгжүүлэхээр болж, нэн тэргүүнд карт уншуулахгүй гар утасны симдээ автобусны картын чип суулган автобусаар зорчдог болохыг холбогдох газруудаас нь мэдээлсэн. Өөрөөр хэлбэл, иргэд автобусанд гар утсаа уншуулаад үйлчлүүлдэг болох аж. Эхний ээлжинд "Юнител" компанитай гэрээ байгуулан чиптэй сим карт оруулж ирээд байгаа ба ирэх сард худалдаанд гаргахаар төлөвлөсөн байна. Харин бусад операторуудтай уулзалт хийж, мэдээлэл солилцох шатандаа явж байгаа талаар "Улаанбаатар смарт карт" компаниас мэдээлжээ.
Түүнээс гадна банкны картуудад чипээ суурилуулах боломжийг бүрдүүлжээ. Тэгвэл автобусны смарт карт тодорхой үзүүлэлтээр шинэчлэгджээ. Зорчигч автобусанд ороод картаа дарахаар "Хөнгөлөттөй зорчигч, хүүхэд, оюутан" гэж хэлдэг болж. Ингэснээр нөгөө хүүхдүүд өвөө эмээгийнхээ картыг ашиглах мөн өндөр настнууд хүүхдийнхээ картыг ашиглаж явах хууль бус үйлдэл зогсох боломжтой болсон ажээ.
Эх сурвалж www.wikimon.mn
0 comments:
Post a Comment