Хүүхдүүдээ парацетамолоор хордуулж байна

Хүүхдүүдээ парацетамолоор хордуулж байна

1 цаг 1 минутын өмнө

Монголчуудын эмийн зохисгүй хэрэглээ хүүхдүүдэд ч маш их хор уршиг дагуулж байна. Тухайлбал, сүүлийн үед 0-3 насны хүүхдүүд парацетамол эмэнд ихээр хордох болжээ. Энэ талаар эх нялхсын эрүүл мэндийн үндэсний төвийн Хүүхдийн эмнэлгийн их эмч Б.Солонго "Эцэг, эхийн буруугаас болж хүүхдүүд парацетамолд хордож ирэх нь их боллоо. 0-3 насны хүүхдүүдэд парацетамол уулгадаггүй. Парацетамол нь Панадол, Талинол, Парацетамол, Пара-Денк гээд маш олон нэршлээр ороод ирэхээр эцэг, эхчүүд анзаарахгүй панодолыг сиропоор нь хүүхдэдээ уулгачихдаг, Пара-Денкийг шулуун гэдсээр нь хийчихдэг.

Мөн парацетамол хэрэглэчихээд 1-2 цагийн дараа хүүхэд нь дахиад халуурахад парацетамол уулгадаг. Зарим эцэг, эхчүүд хүүхдийнхээ халууныг хурдан буулгахын тулд маш өндөр тунгаар уулгасан нь ч байдаг. Энэ мэт байдлаас болж хүүхэд парацетамолд хордож байна. Хүүхэд парацетамол болон аспиринд хордох маш аюултайг эцэг, эхчүүд мэдэх хэрэгтэй" гэжээ.
Тиймээс хүүхдэдээ парацетамол уулгах гэж байгаа бол өрхийн эмч болон түргэн тусламжийн 103 утсаар зөвлөгөө авч байхыг эцэг, эхчүүдэд Эх, нялхсын эрүүл мэндийн үндэсний төвөөс анхааруулж байна.
Эх сурвалж www.wikimon.mn