УИХ-ын эрхмүүд улсын сайн малчныг тодруулдаг уу?

УИХ-ын эрхмүүд улсын сайн малчныг тодруулдаг уу?

1 цаг 7 минутын өмнө

Цагаан сарын баярын өмнөхөн аймгууд улсын сайн малчнаа тодруулдаг уламжлалтай. Түрүүчээс нь эхлээд зарим аймгууд улсын сайн малчныхаа нэрсийг Засгийн газарт оруулж ирсэн байгаа аж. Тэгвэл Дундговь аймгаас улсын сайн малчин тав тодорсон тухай сайхан мэдээ дуулдав. Гэтэл аймгийн ИТХ-аар дэмжиж баталгаажуулсан нэрс алга болж, ор сураггүй хүмүүсийн нэрийг гэнэт Засгийн газарт оруулж ирсэн байна.

Тухайлбал, Dundgovi.gov.mn сайтад 2015 оны нэгдүгээр сарын 22-нд "Аймгийн ИТХ-аар хэлэлцэн Дэрэн сумын малчин Ш.Мишигтаяа, Говь-Угтаал сумын малчин Б.Нямсүрэн, Сайнцагаан сумын малчин Б.Жаргалсайхан, Эрдэнэдалай сумын малчин Б.Цэндбаяр, Баянжаргалан сумын малчин Б.Пүрэв нарыг улсын сайн малчид уламжиллаа" гэсэн мэдээлэл гарсан атал гэнэт заримынх нэрс нь өөрчлөгдсөн байна.

"Улсын сайн малчин гэдэг бол удам дамжсан малчин байхаас гадна улс эх орондоо өвөг дээдсээрээ зүтгэж, энэ насаараа малын төлөө зүтгэсэн хүмүүс байдаг бус уу. Гэтэл өвөл нь 1000 мал худалдаж аваад хавар нь нядлаад борлуулчихдаг хүн улсын сайн малчин болох нь хэр зохистой юм бол. Говь-Угтаал, Эрдэнэдалай, Баянжаргалан сумаас улсын сайн малчинд тодорхойлсон хүмүүсийг ийнхүү хасч, оронд нь УИХ-д суудалтай, аливаа зүйлийг мөнгөөр шийдвэрлэх гэж муухирладаг эрх мэдэлтэй хүмүүс өөрийн харьяаны сумын "шахааны" хүмүүсээ улсын сайн малчин болгож, сайн хүний дүр эсгэж байна" гэх иргэн бухимдлаа илэрхийлжээ.
Эх сурвалж www.wikimon.mn