АТГ "аятайхан" цахим хаягтай боллоо
32 минутын өмнө
Авлигатай тэмцэх газрын албан ёсны цахим хуудас www.iaac.mn гэсэн латин хаягтай байсан билээ. Тэгвэл сайтуудын хаягийг монгол нэршилтэй болгож буй ажлын эхлэл болгож тус байгууллага АТГ.мон гэсэн хаягтай болжэ. Ингэснээр иргэд дээрх кирилл монгол үсгийн хаягаар Авлигатай тэмцэх газрын www.iaac.mn цахим хуудсанд хандах боломжтой болов.Түүнчлэн албан тушаалтнуудын хувийн ашиг сонирхлын мэдүүлэг болон хөрөнгө, орлогын мэдүүлгээ бүртгүүлдэг цахим хуудасhttps://meduuleg.iaac.mn нь МЭДҮҮЛЭГ.мон, төрийн өндөр албан тушаалтнуудын хөрөнгө, орлогын мэдүүлгийн талаар мэдээлдэг цахим хуудас www.xacxom.iaac.mn нь ХАСХОМ.мон болж тус тус өөрчлөгдлөө.
Авлигатай тэмцэх газрын цахим хаяг руу эх хэлээрээ, монгол кирилл үсгээр бичиж хандсанаар иргэд тус байгууллагын бодлого, үйл ажиллагаатай танилцах, санал бодлоо илэрхийлэхэд илүү дөхөм болж байна. Тус байгууллагын кирилл үсгээр бичигдэх, шинэ домэйн нэр бүхий АТГ.мон нь www.iaac.mn хаягтай хамт ашиглагдах ажээ. Эх сурвалж www.wikimon.mn
0 comments:
Post a Comment