Баян-Уул сумын түймэр гамшгийн хэмжээнд хүрчээ
Өнөөдөр 12 цаг 39 минут
Зүүн аймгуудад гарсан ой хээрийн түймэр намжиж байгаа ч Дорнод аймгийн Баян-Уул суманд гарсан түймэр гамшгийн хэмжээнд хүрчээ. Оросоос хил давж орж ирсэн уг түймэр сумын газар нутгийн 80 гаруй хувийг хамраад байгаа аж. Галыг унтрааж, цурманд оруулахаар онцгой байдал, хилийн заставынхан, нутгийн иргэд уйгагүй ажиллаж байгаа бөгөөд тэдэн дунд Халх гол суманд ажиллаж байгаад шууд Баян-Уул сум руу дуудагдаж, гал унтраахаар 27 хоног амралтгүй ажиллаж байгаа хүмүүс ч байгаа аж.Ийнхүү галын хэмжээ, газар нутгийг хамарсан тархацыг харж, мөн айл өрхийн хохирлыг барагдуулахаар Улсын комисс болон нөөцийн сангаас гэр, эд материал өгөхөөр хуралдаж эхэлжээ. Түүнчлэн түймэрт нэрвэгдсэн айл өрх, нутгийн иргэдэд туслах сайн дурын хандивын цуваа үргэлжилсэн хэвээрээ байна. Өчигдөр л гэхэд хэсэг залуус нийлж "Боорцог" аяныг эхлүүлэн уут уутаар нь боорцог хийж явуулсан бол сургуулийн сурагчид ч хандив илгээсэн байгаа аж.
Эх сурвалж www.wikimon.mn
0 comments:
Post a Comment