Уяачдад хандан урилга гаргав

Уяачдад хандан урилга гаргав

41 минутын өмнө

Монголын Морин спорт, уяачдын холбооноос уяачдадаа хандан уриалга гаргажээ. Уг уриалгад "Уралдаанч хүүхдүүдийн аюулгүй байдлыг дээд зэргээр хангаж, эмээлийн олом жирэм, угсуураг, жолоо цулбуур зэрэг хэрэглэлийн бат бөх байдлыг сайтар нягтлах, 7-оос дээш насны морь унах дадал, чадварыг эзэмшсэн, гэнэтийн ослын даатгалд хамруулсан уралдаанч хүүхдэд стандартын шаардлага хангасан хамгаалалтын хувцас, хэрэглэлийг заавал өмсүүлэх, хүүхэд мориноос унасан бол ар гэрийнхэнтэй нь холбоо барих утсыг зайлшгүй мэдэж байхыг уриалжээ.

Мөн наадмын өдрүүдэд нийт нутгаар тэр дундаа Улаанбаатар хотын Хүй долоон худагт гандуу, зуншлага оройтсон, хуурайшилт ихтэй байх учраас уяачид хурдан морины уяа сойлго, урьд шөнийн хоол ундыг нь онцгой анхаарч морь өлдөх, багтрах зэрэг уяаны алдаа гаргахгүй байхаас урьдчилан сэргийлэхийг хүсчээ.
Эх сурвалж www.wikimon.mn

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.